You Are Here: Home » Urdu poetry sms » Muhabbat zat hoti hai Muhabbat zat ki takmil

Muhabbat zat hoti hai
Muhabbat zat ki takmil hoti hai
Koi jungle me ja thehre,
Kisi basti me bas jaye
Muhabbat sath hoti hai
Muhabbat khushbooaon ki lay
Muhabbat mausamon ki dhun
Muhabbat aabsharon k nikharte paniyon ka man
Muhabbat jangalon me raqs karti morni ka tan
Muhabbat barf parti sardiyon me dhoop banti hai
Muhabbat chilchilatey garm sehraon mein thandhi chaon ki manind
Muhabbat ajnabi dunya me apne gaaon ki manind
Muhabbat dil
Muhabbat Jaa”n
Muhabbat rooh ka darma”n
Muhabbat Moorti hai
Kabhi jo dil k mandir mein kahin per toot jaye to
Muhabbat Kanch ki guriya
Fizaon mein kisi k hath se gar chhoot jaye to
Muhabbat aabla hai karb ka
Gar phoot jaye to
Muhabbat rog hoti hai
Muhabbat sog hoti hai
Muhabbat sham hoti hai
Muhabbat raat hoti hai
Muhabbat jhilmilati aankh me barsat hoti hai
Muhabbat neend ki rut me hasee”n khuwabon k raste per
Sulagte, Jaa”n ko aatey ratjagon ki ghaat hoti hai
Muhabbat jeet hoti hai
Muhabbat maat hoti hai
Muhabbat zaat hoti hai…!

Send This Sms To Mobile
Advertisment