You Are Here: Home » Urdu poetry sms » Kabhi saaya hai kabhi dhoop muqaddar mera hota

Kabhi saaya hai kabhi dhoop muqaddar mera
hota rehta hai yoon hi qarz baraabar mera

toot jaate hain kabhi mere kinaare mujh mein
doob jaata hai kabhi mujh mein samandar mera

kisi sehra mein bichhad jaayenge sab yaar mere
kisi jangal mein bhatak jaayega lashkar mera

bewafa tha to mujhe poochhne waale bhi na the
bewafa hoon to hua naam bhi ghar-ghar mera

kitne hanste hue mausam abhi aate lekin
ek hi dhoop ne kumhla diya manzar mera

aakhiri jur”a-e-pur kaif ho shaayad baaqi
ab jo chhalka to chhalak jaayega saagar mera

Send This Sms To Mobile
Advertisment