You Are Here: Home » Urdu poetry sms » ere aane kaa dhokaa saa rahaa hai Diyaa

ere aane kaa dhokaa saa rahaa hai
Diyaa saa raat bhar jaltaa rahaa hai

Ajab hai raat se aaNkhoN kaa aalam,
Ye dariyaa raat bhar chaRhtaa rahaa hai

Sunaa hai raat bhar barsa hai baadal,
Magar vo shah’r jo pyaasaa rahaa hai?

Vo ko’ii dost thaa achche dinoN kaa,
Jo pichhlii raat se yaad aa rahaa hai

Kise DhuuNDoge in galiyoN meN “Nasir”?
Chalo ab ghar chaleN, din jaa raha hai

niiyat-e-shauq bhar na jaaye kahii.n
tuu bhii dil se utar na jaaye kahii.n

aaj dekhaa hai tujhe der ke baad
aaj kaa din guzar na jaaye kahii.n

na milaa kar udaas logo.n se
husn teraa bikhar na jaaye kahii.n

aarazuu hai ke tuu yahaa.N aaye
aur phir umr bhar na jaaye kahii.n

jii jalaataa huu.N aur ye sochataa huu.N
raayegaa.N ye hunar na jaaye kahii.n

aao kuchh der ro hii le.n “Nasir”
phir ye dariyaa utar na jaaye kahii.n

Send This Sms To Mobile
Advertisment