You Are Here: Home » Urdu poetry sms » Aaj Itne barsoN ke baad Jaise kaii sadioN

Aaj Itne barsoN ke baad
Jaise kaii sadioN ke baad
Us ne kaha suno
Ab se tum azaad ho
Qafas khulte hi
Par tolte panchi
Ma uRooN kis tarah magar
Us ne Noch dale the mere par
Dabi huii hasrateiN
Na”tamam khwahisheiN
Poori karooN kis tarah magar
Na ab waqt hai na nazar
Dil ke goshoN ma nihaaN
KhwaaboN ki reshmi doriaN
Sapna bunooN kis tarah magar
Sulajhti nahi doriaN ulajh kar
Rasta chalna bhool kar
Ab jaooN ma kis dagar
Ulti ho gaye sab tadbeereiN
Phir pahen li ab zanjeereiN

Send This Sms To Mobile
Advertisment